SHOIRA SAIDA ZUNNUNOVAGA Hech otash dil bul yoniq Dilcha bo‘lurmi, hay-hay, Hech biyron til bu jonso‘z Tilcha bo‘lurmi, hay-hay. Bu yurakning tug‘yoni Vulqoncha bo‘ldi, qaydan? Qo‘shiqlari daryoyi Nilcha bo‘lurmi, hay-hay. Nasrda-buncha shiddat, Nazmda buncha san’at, She’r bundoq qirq yorilgan Qilcha bo‘lurmi, hay-hay. Ikki o‘n yetti yosh-u Bir o‘n olti ko‘ribsiz, Mazmunda lek har kun. Yilcha bo‘lurmi, hay-hay. Saida, so‘zi borliq Olamni o‘rtaganda Qanoatda Said Ahmad Filcha bo‘lurmi, hay-hay.