DO‘STGA BIZ SOG‘AR UZATDIK... Mehnat-u zahmatda kechdi Subh birla shomimiz, Sidqdin chiqdi yomonga Oqibatda nomimiz. Do‘stga biz sog‘ar uzatdik Ol, dedik, do‘stlik uchun Zahr ila to‘ldirdi ul do‘st, Vah, ko‘targan jomimiz. Biz yurakda mehr-u shafqat Go‘shasin tiklab, edik, Qaysi uyga-soya soldi Bu ko‘targan tomimiz Qaysi do'stning arpasin biz Xom o‘rib qo‘ygan edik, Boshimizga urdi-ku oh! Pishmagan bu xomimiz! Olam ahli ichra biz ham Bosh tutib yursak edik Noumid shayton, demishlar, Kelgay ul ayomimiz. Ey, olis avlod, bilursan Biz kim-u armon nedir, Bir zamon yetsa qo‘lingga Dardli bu payg‘omimiz.