YOSHLIGIMDA.. Yoshligimda kelgan omad Men uchun omad emas, Yoshlik andoq baxt erurkim, O‘zga baxt hojat emas. Neki tole bo‘lsa ko‘rsam , Deyman ulg‘aygach yoshim, Yoshligimga, chunki baxtni Qadr etish odat emas. Tong quvonchi birla yayrab Nurga chulg‘angan chog‘im' Men uchun shomi g‘aribon Vaqt emas, soat emas. Yoshligimda, ne taajjub, Bilmasam do‘st qadrini, Chunki yolg‘izlik,- g‘ariblik. Men uchun holat emas. Tut qadah, do‘stim, tilarman So‘nggi qatra lazzatin, Kim, bu lazzatsiz hayot ham, Boda ham rohat emas.