DO‘STBILAN OBOD UYING Do‘st bilan obod uying, Gar bo‘lsa u vayrona ham, Do‘st qadam qo‘ymas esa, Vayronadir koshona ham. Intizor har uy dilovar Dilkusholar bazmiga, Gar oyoq qo‘ysa qabohat Yig‘lagay ostona ham. Yaxshi do‘stlar davrasida Ochilursan har zamon, Ko‘rkni shoda ichra topgay Marvarid durdona ham. So‘rma mendan, kim diloro, Do‘stmi yo jonona deb, Do‘st mening ko‘nglimdadir? Jonimdadir jonona ham, Qochma rostgo‘y do‘stlarning Koyish-u ozoridan, Qaddi rost shamning tilidan O‘rtanur parvona ham. Do‘st qidir, do‘st top jahonda, Do‘st yuz ming bo‘lsa oz, Ko‘p erur bisyor dushman. Bo‘lsa u bir dona ham. Kim senga hamroz emasdir, Beg‘araz deb о‘уlama, Gohi dushmanlik qilurlar Qo‘l siqib do‘stona ham. Do‘sti sodiq yo‘q ekan deb O‘rtanib kuyma va lek, Mehr uyin keng ochsang,Erkin, Do‘st bo‘lur begona ham.