GULMIDI, RAYHONMIDI, JAMBUL Gulzor ichida gulmidi, rayhonmidi, jambul, Yo jambul-u rayhon-u gul uzguvchi sanam bul. Valloh, bu sanam, odam emas, necha so‘z aytsam, Odam deya bir boqmadi, e voh, ne odam bul? Chaqmoq kabi bir lahza nasib etdi visoli, Endi menga yor turk go‘zali. hajrida g‘am bul. Izlab necha kun shahrida ovora bo‘libman, Istanbul emas, oshiq uchun jonga sitam bul. Shul yoshda yonib sevgini nazm etsa ne aybkim, Erkin yuragi ishq o‘tida kuyguchi sham bul.