SHIRIN Dilkusho do‘st, dilrabo yor - Birla kechgan dam shirin. Do‘st-u yor birlan hayot-u Siynayi olam shirin. Sevgi zavqi bir tomon-u Boda kayfi bir tomon, Qay biri ortiq shirindir, Qay birisi kam shirin Ikki gulgun chehra bo‘lsa, O‘rtada gulgun sharob, Men uchun maydin ham ortiq Suhbati hamdam shirin. Bu jahonda, deydilar, Har kimda bor bir o‘zga ta’b Menga may, bulbulga tong Gul bargida shabnam shirin. Sevgining dardi faqat Beishq uchun begonadir, Ishqi yor bo‘lsa firoq - Chekkanda hatto g‘am shirin So‘yla, do‘st, gulgun sharobning Kayfidan ortiq na bor? Bo‘sadan lablarda qolgan Jon suvidek nam shirin. Ey gulim, sevgim haqi, Maydan meni qilma judo, Menmi, ul ortiq dema, Sen ham shirin, ul ham shirin.