ISHQ ISTILOSI Ko‘ngul mulkini toroj - Aylagan ishq istilosidir. Na bo‘lgay oxiri, bu Istiloning ibtidosidir. Degaylar, do‘stlikdan - Boshlanur ishq, aksi ermasmi, Biz endi do‘st, dedi yor, Oh, bu sevgi intihosidir, Baland parvoz etar yor - Dil qushi, ko‘zlami dom aylab, Uni sayd aylamoq yo Har ko‘ngilning muddaosidir. Nechun husn-u sadoqatni Egiz tug‘mabdi bu olam, Tabiat-qasdidir yoki Bu ham bitta xatosidir. Ko'ngil dardini aytib Yig‘lamasman ko‘cha-yu ko‘yda, O‘zi ko‘nglimga dard solgan, O‘zi bu dard davosidir. Topindim yor - sanamga men Muhabbat sajdagohida, Biling, dinsizlar osiymas, Muhabbatsizlar osiydir. Jafo qil, mayli, dilbar, Vasl umidin ko‘ymagay Erkin, Yotar yo‘lingda ko'nglim - Bir shirin so‘zning gadosidir.