SHOHIGUL Otashin gul uzdim, ol, bu - Shohigullar shohi gul. Gul sochiq yo‘llarda bo‘lsin Gul yuzim hamrohi gul. Shohigul ermas bu, o‘tlug‘ - Yuzlaring hijronida, Intizor bog‘ kо‘ksidan Chiqqan fig‘on-u ohi gul. Ishq elining qatra-qatra Qonidan ungan chechak?- Sevgining oshiq ko‘ngillarga Olovli chohi gul. Bilgali ko‘nglingni, kirsam Bog‘ing ichra har zamon, Shohigulga yolvorurman, Sirlaring ogohi gul. Bu jahon gulzorida Har bir chechakning o‘rni bor, Xoh tikandir, xoh pechakdir, Xohi yaproq, xohi gul. Gul emas, Erkin qo‘lingga Tutdi o‘tdek qalbini, Otashidan qo'rqma, ol, Ol, kuymagaysan, Mohigul.