SAMAR BO‘LG‘AY Seningsiz menga kom yo‘qdir, Asal ichsam zahar bolg‘ay Sening birlan shirin so‘zim, Zahar yutsam shakar bo‘lg‘ay. Yuzingga bir umr boqsam To‘yurmi ko‘z, qonurmu dil, Na undan belgi paydo-yu, Na bundan bir asar bo‘lg‘ay. Ikki yor vaslini istab Ikki ishq so‘zin eshitsam, Ikki ko‘zim ko‘r-u, ikki Qulog‘im, mayli, kar bo‘lg‘ay. Ko‘zing uchganda ko'nglimni Olib kipriklaringga qo‘y, Qosh-u mujgonlaring kо‘nglim Qushiga bolu par bolg‘ay. Tirilsa nogahon Farhod, Yuzingni kо‘rsa ko‘zguda, Kechib Shirinidan yuz yil Ko‘yingda darbadar bo‘lg‘ay. Habibim band etar kо‘nglim, Tabibim pand etar doim, Bilolmasman, bu savdoda Na sudu na zarar bo‘lg‘ay. Muhabbat nogahon dilda Yozib kurtak, ochibdir gul, Umidvor Erkining, jono, Bu guldan bir samar bo‘lg‘ay