BIR QADAM Ikkimizning o'rtamizda Yo‘l, diloro, bir qadam. Shunchala rmushkulmi qo‘ymoq Senga, zebo, bir qadam. Ko‘zlarimning nuri boldi. Yolga poyandoz, kel. Sen qasam ichdingmi yo, deb- Qo‘ymam aslo bir qadam. Men seni Zuhro-yu Oy deb Iltijo qildim va lek Sen yiroqsan, garchi menga Oy-u Zuhro bir qadam. Parda ichra oftobim, Yonida men nurga zor, Tashnaman, qirg'oqdadurman - Bunda daryo bir qadam. Ne ilojkim, sevgi rasmi Shul ekan taqdir azal, Hech pisand ermas masofa, Mushkul, ammo bir qadam. Intizorlik telba qildi, Telbalikka yo‘q iloj, Jonidan kechgan kishiga Ikki dunyo bir qadam. Bas, shikoyat qilma, Erkin, Jur’at aylab yo‘lga chiq, Senga bir odim Samarqand, So‘ng Buxoro birqadam.