TUN BILAN YIG‘LABDI BULBUL... Tun bilan yig‘labdi bulbul G‘uncha hajri dog‘ida. Ko‘z yoshi shabnam bo‘lib Qolmish uning yaprog‘ida. Ko‘z yumar bo‘lsam, ko'zim - Oldida paydo gul yuzim, G‘uncha ko‘z ochmogl bor Bulbul ko‘zin yummog‘ida. Asta barg ostida tinglab Yotgan ermish sho‘x sabo, G‘uncha bulbuldan muhabbat Darsin olgan chog‘ida. Sevgi sahrosida qolmish Necha Majnundan g‘ubor, Necha Farhod gardi yotgay Bisitunning tog‘ida. G‘unchadek chehrangga Erkin Jon fido etgay, sanam. Qatra qonidan gul unsin To muhabbat bog‘ida.