ЧАНОҚЛАРГА ҚЎНГАН ЮЛДУЗЛАР Тонг еллари билан ўйнашиб, Кўк шамлари сўниб қолдилар. Йўқ, пахтазор водийга тушиб Чаноқларга қўниб олдилар. Тўлиб олтин чаноқларига Майин жилва қилиб кулдилар. Теримчи қиз қучоқларига Оппоқ пахта бўлиб тўлдилар. Яна қанча чевар қўллардан Пардоз олиб бўлдилар кўркам. Меҳнат тери билан йўғрилган Юлдузларга кийинди ўлкам... Ҳақли, агар ўз касби билан Ғурур қилса пахтазор аҳли. Оқ олтин ҳам шунча севинчдан Чаноғига сиғмаса ҳақли.