КУНЛАР СЕКИН ЎТАДИ Сўрайди мендан укам: Ака, китоб олиб бер. Сўзин қайтармай мен ҳам, Олиб бердималифбе... Букун тайёрлик кўрар Укам катта байрамга, Гоҳ мактаб вақтин сўрар, Гоҳ тайинлар аямга: — Ўша кун ухлаб қолиб Мактабдан кеч қолмай-а, Эрталаб тура солиб, Мени уйғотинг, ая. Севинч сиғмас ичига, Ўқувчи бўлар укам. Унинг бу севинчига Шерик бўламан мен ҳам. Хитойи қоғоз ўрар Укамкитоб, дафтарга. Гўё ҳозирлик кўрар Жуда узоқ сафарга. У мактаб орзусида Ўтказади тунларни. Ҳаттоки, уйқусида Санаб чиқар кунларни. Зўр қувонч билан укам Сентябрни кутади. Кутган сари кунлар ҳам, Қаранг, секин ўтади.