ЧЕВАР ҚИЗ Жажжи Лола пахта терди, Энди деманг у гўдак. Бир ҳовучмас, бир дўппимас, Терди роса бир этак. Тарозибон амакиси Олар экан пахтани, Чевар қиз деб, ширин қиз деб, Асал қиз, деб мақтади. Жажжи Лола уйга қайтар, Енгил учар қадамлар. Нега, қанча тердинг, қиз, деб Сўрамайди одамлар? Кўзларига қараб борар Ўтган-кетган ҳамманинг. Ҳеч ким сўрмас, нима деди Тарозибон амакинг? Ариқчадан юзин ювди, Сочларини таради. Сўнгра «ҳурмат тахтаси»га Секин бориб қаради. Номлари бор Гулсумопа, Нури, Хайри холанинг Ҳамма бору, нимагадир, Исми йўкдир Лоланинг. Аввал бир оз ўксиди у, Кейин эса ўйлади: Майли, бир кун унинг номи Шу қаторда бўлади. Ҳозир «ҳурмат тахтаси»да, Майли, номин кўрмасин. Бугун қанча тердинг, қиз, деб, Майли, ҳеч кимсўрмасин. Барибир, у пахта терар, Чунки билар, бу керак. Терар ҳар кун бир дўппимас, Бир қучоқмас, ўн этак. Лолахонни газетага Ёзмаса ҳам бўлади. У чевар қиз, у ширин қиз, Буни ҳамма билади.