ТАБРИК («Халқ сўзи» газетасига) Дарбозам чертувчи эрта тонг билан, Элни уйғотувчи ҳар субҳ бонг билан, Рўзномам, ўн ёшинг муборак бўлсин, Янги аср, янги шуур, онг билан. Ёдимда тўқсон бир, туғилган йилинг, Истиқлол деб дастлаб чиққанди тилинг. Мустақил мамлакат тенгдоши бўлиб Ватан хизматига боғланди белинг. Мудом озод элнинг озод сўзи бўл, Кенг оламга сергак боққан кўзи бўл. Хақиқат йўлини ёритган чароғ, Адл карвонига қутб юлдузи бўл. Бу ён Америка, бу ён Чинмочин, Ўзбек олам узра ёзди қулочин. Қулоч ёзган элнинг садоси бўлиб Юксал, темир қанот, эй мурғак лочин!