SEVGI SHUNDAY NAVBAHORKI Sevgi shunday navbahorki, U tikandin gul qilur. Toshga jon-u til bag‘ilshlab, Zog‘ni ham bulbul qilur. Sevgi shunday dard erurki, Barcha bo‘lg‘ay mubtalo, Mubtaloni neki qilsa Telba bu ko‘ngil qilur. Sevgi shunday tangridirki, Unga tengdur shoh, gado, Qulni aylab shoh-u sulton, Shohni bo‘lsa qul qilur. Sevgi shunday bir olovki, Jonga undan yo‘q omon, Gulxanida o‘rtab-o‘rtab, Bir kun oxir kul qilur. Sevginingdir hukmi mutlaq, Istasa shaydolarin. Chashmi giryonidan ummori, Ohidan dovul qilur. Sevgiga she’r bitding, Erkin, Besabab ermaski, ishq - Aylagach ko‘ngulni ishg‘ol, She’r ila mashg‘ul qilur.