БИР ТАВАККАЛЧИ ДЕЙДИКИ... Менга на суду савдо, Бор, нима бўлса бўлсин, Мендан қолувчи дунё, Бор, нима бўлса бўлсин. Ғам қилмоқ одатим йўқ, Ўйлашга тоқатим йўқ, Мендан сўранг таралло, Бор, нима бўлса бўлсин. Мендан кетарми кетса, Менга келарми келса, Куйдирма жонни асло, Бор, нима бўлса бўлсин. Кўнглим сахога мойил, Ҳотамлигимга қойил, Чекдим таваккал имзо, Бор, нима бўлса бўлсин. Сармаст эрур хаёлим, Ҳам файласуфман, олим, Бир ғоя менда танҳо: «Бор, нима бўлса бўлсин».