УЧКЕКЕН БОЗОРИДА Бир куни қиш чилласида, Қаҳратоннинг қорида Сайр этиб юрдик учовлон Учкекен бозорида. Учкекенни биз кўрибмиз, Сиз у ён қўйманг қадам Осилиб ўлмай десангиз Нарх-навонинг дорида. Битта кўйлак битта минг сўм, Поча пўстин ўнта минг, Учкекенга ёрин элтсин Қасди борлар ёрида. Учкекенда бор харидор Бенажот, ҳайрону лол, Зўр такаббур аҳли чайқов Феълида, атворида. Гар бозор шу бўлса бозор — Эл учун озор экан. Учкекендан қочдик уччов Ақлу хушнинг борида.