БУ ЗАМОН ҒАЗАЛИ Тиллашибдир бўри бирла тозилар, Бирлашибдир ўғри бирла қозилар. Не деб айтар ул баобрў анжуман? Қўл кўтарсин ушбу ҳолга розилар. Зўр баҳодирмиз, жасорат биздадир, Пашша қонин тўккан эй мард ғозилар. Биз чунон хизматга белни боғладик, Борми ҳиммат ўлчагич тарозилар? Бизга нелар дер халойик бу замон? Нелар айтар келгуси ҳам мозилар? Мен ғазал ёзмокчи эрдим, не қилай? Бу замон тарихга шундоқ ёзилар.