ҒАФЛАТ Табиатга дейлик ташаккур, Бош эгайлик унга албатта. Ноқуслиги учун тафаккур, Бўлганимиз учун ғафлатда. Севинамиз борлигимиздан, Дўстлар билан қиламиз ҳузур, Улар ўйи ниҳондир биздан, Биз билмаймиз... Шунга ҳам шукур. Муқаддасдир биз учун вафо, Табаррукдир маъсум аҳдимиз, Не эканин алдамчи дунё Англамаймиз — бу ҳам бахтимиз. Бу дунёдан кетармиз бир кун, Бизга аён, аммо қай соат? Бехабармиз... Одамзод учун Ғафлат ўзи буюк саодат.