ҒА3АЛ Шаҳр аро кўзлардан ўзга Дилкушо маскан топай, Унда ўзни сен билан Бир жон кўрай, бир тан топай, Неча кундирким йўқолмиш Дилда оромим, уни — Бу кеча излаб сенинг Жоду қароғингдан топай. Тун қоронғусида мен Сочинг шабистонин кўрай, Тонготарда юзларингни Тонг каби равшан топай. Мен кўнгил кўйига кирсам, Билмайин боссам тикан, Туш билиб таъбир этингким, Ўнгда бир гулшан топай. Айри тил бирлан риё Берса менга юз яхши дўст, Дўст керакмас, тўғри сўзлаб Бир ҳалол душман топай. Неки мақсуд бор кўнгилда Пок кўнгил бирлан етиб, Неки бахт топсам жаҳонда Бир ўзинг бирлан топай: Бир умр Эркин муҳаббат Оташида ёнмасам Ўтга чулғансин вужудим, қатлима гулхан топай.