Tojik birodarimga
1960-1990-yillar
She’r
Bedorlik. G‘afur G‘ulom nomidagi Adabiyot va san’at nashriyoti (1985)
ТОЖИК БИРОДАРИМГА
(Муборакбод)
Биз икки ёндош юртга,
қадрдон, жондош юртга,
қадимдан қондош юртга
Фарзанд бўламиз, дўстим.
Кору
ишу
амалдан
Ҳамуҳдамиз азалдан,
Бир бант каби
Ғазалдан,
Пайванд бўламиз, дўстим.
Шажарада томирмиз,
Тиёншонмиз, Помирмиз,
Ўзимизни танирмиз,
Баланд бўламиз, дўстим.
Беруний, Синоларга,
Жомийдек сиймоларга,
Фонийдек даҳоларга,
Ғафуру Мирзоларга
Дилбанд бўламиз, дўстим.
Эй биродарим, қуллуқ,
Бугун зафарлар қутлуғ,
Дилдан яйраб, ўзда йўқ
Хурсанд бўламиз, дўстим
Bu she'r uchun audio yozuv mavjud emas.
So'z qidirish
Qidiruv sahifasiga o'tish