БОНГ УРИНГ Бонг уринг, ҳаммани уйготинг. Бонг уринг, шаҳару қишлоқда. Ҳаяжон кўтаринг, тўп отинг, Ўт кетди, ҳаммаёқ ёнмоқда. Овозлар борича бақиринг, Одамлар! Ё ҳаёт! Ё мамот! Сим қоқинг! Ноль бирни чақиринг: Енғин, денг, керак, денг, тез нажот! Дод солинг, не кечар ҳолимиз, Аламдан жонимиз қийноқда. Оламда топилмас молимиз — Вақтимиз ёнмоқда, ёнмоқда. Урмонлар ёнса-ку чопамиз, Тинмаймиз ўртанса хирмонлар. Чорани қаердан топамиз Фурсатга ўт кетса, инсонлар! Вақт ёнар, биз мажлис қиламиз, Тамаки тутуни димоқда. Шу тутун ичида, биламиз, Умримиз ёимоқда, ёнмоқда. Бир ёнда, биз топиб улгурмай Минг-минглаб саволга жавоблар. Ҳатто биз варақлаб ҳам кўрмай, Жавонда ёнмоқда китоблар. Кечаги айшдан бош зириллаб, Уринда ётибмиз, бир ёқда Столнйнг устида, гуриллаб, Ижоду кашфиёт ёнмоқда. Райгазда ошиққа битилган: «Бир учқун даҳшатнинг сабаби!» Шу ерда портлашга етилган — Ёнмоқда иисоннинг асаби. Ёмондир бу олов даҳшати, У бизни дарахтдек йиқади. Наҳотки одамзот фурсати Шунчалар, шунчалар беқадр. Кечалар, кўчалар чароғон, Ёзувлар электрон чироқда. Ўт билан ўйнашманг, ўт ёмон, Аслида бу дунё Ёнмоқда Биз эса Қилурмиз томоша, Ғов қўймай ёнгиннинг йўлига. Ким бериб қўйибди бепарво Гугуртни болалар қўлига! Бонг уринг, ҳаммани чақиринг, Бонг уринг шаҳару қишлокда. Овозлар борича бақиринг, Ўт кетди, ҳаммаёқ ёнмоқда. Одамлар, уйқудан уйғонинг, Шошилинг, қидиринг тез нажот. Жон куйсин, қалб ёнсин, сиз ёнинг То ёниб кетмасин бу ҳаёт.