PARISHONLIK Doimo dedim, bo‘lma Oshino, parishonlik, Bo‘ldi oshino dilga Doimo parishonlik.. Dilrabo xayolida, Ne ajab, parishonmen, Oshikor etar doim Dilrabo parishonlik. Men o‘zimcha dilbarning Yodi birla mag‘rurmen, Deydilar, qilur paydo Kibr-havo parishonlik. Kulsa el parishonlik Odatimga, tong yo‘qdir, Ahli dilga albatta Noravo parishonlik. Bevafo nigor yodin Tez unutmoq istarmen, Lek menda yo‘q bu xil Bebaho-parishonlik. Hajr dardiga qilmas Vaslidan shifo, endi. Bir davo xayoli-yu, Bir davo parishonlik. Yodi birla xud bo‘lsam, Jabri birla bexudmen, Qildi sernavo yodi, Benavo - parishonlik. Zulfim-u parishonlik Odat etdi, yo ko‘nglim Ayladi parishonhol Bu qaro parishonlik. Keldi qay kuni bu dard, Xotirimga keltirmam, Band etibdi Erkinni Mutlaqo parishbnlik.