KO‘ZGU Yormi ko‘zguga boqqan Yorga yo boqar ko‘zgu, Yor yuzini ko‘rganda Suv bo‘lib oqar ko‘zgu. Oy jamolining aksi Ko‘zgu bag‘riga tushdi, Rashk o‘tida bag‘rimni O‘rtar-u yoqar ko‘zgu To tirik ekan jonim, Ko‘zgudek do‘st izlarman, Oq ko‘ngilligi birlan Ko‘nglima yoqar ko‘zgu. Qancha osma ko‘zguni, Qancha qoqma mix birlan, Haq yuzing etib oshkor, Mix qilib qoqar ko‘zgu. Ko‘zgudek tiniq she’r yoz, Ko‘zgudek chin ayt, Erkin, Shunda nazm marjoning Dur qilib taqar ko‘zgu.