BEVAFO DO‘STLARGA Koshki, bo‘lsaydim vafosiz Oshinolardan bo‘lak, Oshinolar yo‘q, netay, bu Bevafolardan bo‘lak. Bitmadi peshonamizga Do‘sti sodiqkim, bu xil Bizga beparvo, o‘ziga Mahliyolardan bo‘lak? Izladim, har necha, lekin, Topmadim bir yangi do‘st, Eski ul insofsiz, ammo, Beriyolaraan bo‘lak? Do‘st xato qilsin, Qatoridan xato, lek, qilmasin, Qilmadim bir ish agarchi, Men xatolardan bo‘lak. Suhbatorolar, navolar Qayda suhbatlar aro, Gaplar ichra endi gap yo‘q Narx-navolardan bo‘lak. To bu dam devona ko‘nglum Ul vafosizlarni der, Ne qilayki, oshno yo‘q Bevafolardan bo‘lak.