DO‘STI NODONDAN KO‘RA Bo‘lmasa hushyor yor-u Oqil-u sodiq jo‘ra, Yaxshidir idrokli dushman Do‘sti nodondan kо‘ra. Do‘sti nodon do‘stligidan Ko‘p jafo chekding, ko‘ngil, Yolborib do‘stingdan endi Bitta dushmanlik so‘ra. Do‘st topishga xom etibdir Bizni taqdiri azal, G‘o‘r bo‘lib dunyoga keldik, Go‘rga kirgaymiz g‘o‘ra. Asli o‘zdin o‘zga yo‘qdir, Do‘sti nodon, o‘zga biz Til bilan qo‘ydik tuzoq, Qazdik qalam birlan o‘ra. Gar meni do‘st anglasang, Achchiq tilimdan ranjima, Menga dushman o‘z tilim, Lekin senga do‘stdir, jo‘ra. Qil o‘zingga do‘stlik, Erkin, Ruhingga ista najot, Toza ko‘ngilni muhabbat Shu’lasi birlan o‘ra.