GULLAR BAZMI Gul fasli sanam Sayr ila gulshanda bo‘libdur, G‘uncha kо‘z ochib, Gul yuzida xanda bo‘libdur. Gullar ichida Shohi o‘zim, der edi Lola, Mag‘rurligidan Ul o‘zi sharmanda bo‘libdur. Karnay gulining Og‘zi ochiq, vola-yu hayron, Nargisning, ajab, Ikki ko‘zi sanda bo‘libdur. Saf-saf tizilib. Safsar oyog‘ingga qo‘yib sar, Band-band uzilib, Joni bilan banda bo‘libdur. Qirq boshlarimiz, Qirq deya qirq og‘a-ini gul, Tig‘ingga ular Bari sarafkanda bo‘libdur Yuz jilva bilan Nozli xirom etsa pechakgul, Shohigulaning Raqsiga xonanda bo‘libdur. Qalqib keladir Suvda nilufar senga peshvoz, Oq shoxida hur Sayr ila yelkanda bo‘libdur. Gulshanda kezib Xo‘p sara guldasta tuzibsan, Erkinning esa She’ri parokanda bo‘libdur.