YO‘QNI QANDOQ BOR ETAY? Benajot ko‘nglimni qandoq So‘z bilan izhor etay? Qay iloj birlan ilojsiz. Holatim oshkor etay? Necha zahmatlar chekib ham Topmagach aql-u hushim, Qilmangiz endi nasihat, Yо‘qni qandoq bor etay? Oshinolar qochdi mendan, Yuz o‘girdi g‘ofil el, Ne edi, ayting, gunohim, Men uni takror etay? To‘g‘ri so‘z tuqqanga yoqmas, Haq ekan, e voh, netay, Do‘stni dushman qildim, endi, Dushmanimni yor etay. Bul uqubat maskanidan Bosh olib ketmoq kerak, O‘zni dalli, boshpanamni Gumbazi davvor etay.