YOD ETING (Qurbon bo‘lgan askar nidosi) Men qaro tuproqda yotgan o‘glingizman, yod eting, Intizor ruhim tilovat birla yo‘qlab shod eting. Qolmisham olisda beqabr-u kafan, benom-nishon, Xotirimga ko‘nglingizda bir makon bunyod eting. Har bahor qutlug‘ zafar ayyomida sayr etsangiz, Lolalarga termuling, pokiza qonim yod eting. Men hayotda bir farax ko‘rmay hayotdan ajradim, Baxtingiz qadrin biling, anduhingiz barbod eting. Jangga kirdim, jon fido etdim Vatan tuprog‘i deb, Mehri jonimda tirikdur, siz uni obod eting. Men olis ellarda qolgan O‘glingizman, yod eting, Intizor ruhim tilovat birla yo‘qlab shod eting.