SHOHLAR ORZUSI Amal tegmaganlar ichidan bo‘zlab, Martaba zavqini totsam, der ekan. Amalga minganlar yuksakni ko‘zlab, Qadamni kattaroq otsam, der ekan. Sardor vazirlikni har kun tush ko‘rib, Vazir iloj topsa shohni o‘ldirib, Yarim kun bo‘lsa ham taxtga o‘ltirib Shon-shavkat ganjiga botsam, der ekan. Shoh nima istaydi, unga nima kam? Ulus g‘avg‘osidan boshi to‘la g‘am, Tinch kulba bo‘lsa-yu yovg‘on ichsam ham Biror dam xotirjam yotsam, der ekan.