KIPRIGINGDAN O‘Q UZIB Kiprigingdan o‘q uzib Ko‘ksim aro zahm aylading, Dilni zabt etmoqqa balki Choh o‘yib lahm aylading. Tashna ko‘nglim ichmasin deb Ko‘z yoshimdan qatra ham, Ashk soyining yo‘liga Kiprigim dahm aylading. Sen o‘zing kirding ko‘ngilga G‘am sipohin boshida, G‘aflat uyqusida erdim, . Ayt, nechuk fahm aylading? Sen ko‘ngil mulkini toroj, Qalb uyin vayron etib, Рога qildingmu tanimni, jonima rahm aylading. Oshiq o‘lding, ey ko‘ngil, G‘am lashkaridan qo‘rqmagil, Bari chopku oldda, Erkin, Ne uchun vahm aylading?