SARV Kecha oydin, mavjli dengiz, Kuy to‘qir bedor sarv, Oy kelib sarv uzra qo‘ndi, Bo‘ldi oyruxsor sarv. Ikki sarvning o‘rtasida Men turibman lol-u gang, Bir tomon sarv qadli dildor, Bir tomon dildor sarv. Lol-u gungman, boisi sarv, U seni ko‘rgan kecha Yerga kirmabdir, taajjub, Bu qadar beor sarv Bir boqishda oshiq olmak Bul ajablik demagil, Bir kо‘rib qaddingga mangu Bo‘ldi-ku xushtor sarv. BO‘y cho‘zib har yon qaraydur, Bundaman deb ayt, sanam, Qomatingni bir ko‘rarga Kechadin xummor sarv. Men-ku yor vasliga keldim Sarv tag‘in xilvat bilib, Erta tong olamga so‘ylab Qilmagin oshkor, sarv. Lablaridan bo‘sa izlab Jon suvin topdim bu kech. Sarv tagida baxtli bo‘ldim, Ham bu baxtga yor sarv. Soch-u qadding yodin Erkin Gar unutsa bir nafas, Unga sunbul sirtmog‘ olsin, Mayli, bo‘lsin dor sarv.