G‘UNCHA Barg ostidan muloyim ! Boqqan iboli g‘uncha, Ne sirni saqlagaysan, Bag‘ring nechun tuguncha? Pinhon siring bayon et, Ko‘ksingni qilma ko‘p qon, Bu yoki ishq atalgan Bizga ayon tushuncha? Sevmoq uyat emasdir, Har kimda bor bu savdo, Qo‘y, ko‘p qizarma, g‘uncha, Boshingni egma buncha. Bo‘ldingmi men kabi yo Bir bevafoga oshiq, Ayt, sevganingni senga Parvosi yo‘qmi uncha? Gulgun yanog‘ing uzra Bir tomchi yosh kо‘rarman, Kel, birga dardlashaylik, Uy-uyda yig‘laguncha. Men ham axir seningdek Izhori ishq etolmay Ko‘ksimda dudi ohim Dashtlar aro kuyuncha. Ey g‘uncha, sabr aylab Umidi vasl qilg‘il, Hijron-u yor jafosi Bizga faqat buguncha.