ONA TUPROQ Nega inson yerni qutlug‘ der, Tuproqni ham sanar muqaddas? Yo‘q, mo‘tabar emas asli yer, Tuproq o‘zi tabarruk emas. Dastlab o‘sha yer uzra odam To‘kkanida halol manglay ter, Gavhar undi ona tuproqdan, Qutlug‘ bo‘ldi muazzam bu yer. o‘z muborak tuprog‘in inson Yot nazardan asrab har nafas, Uni quchib fido etdi jon, Qoni bilan qildi muqaddas. Yo‘q, mo‘tabar emas asli yer, Qutlug‘ emas tuproq hech qachon. Muborakdir inson to‘kkan ter, Mo‘tabardir qutlug‘ toza qon.